о блаженная мати матрона душею на небеси

Ответ от Вероника Чернуччи[гуру]
Молитва святой праведной блаженной Матроне.
О блаженная мати Матрона, душею на небеси пред Престолом Божиим предстоящи, телом же на земли почивающи, и данною ти свыше благодатию различные чудеса источающи. Призри ныне милостивным твоим оком на ны, грещныя, в скорбех, болезнях и греховных искушениях дни своя иждивающаия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам все наши согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими же молитвами получившее благодать и велию милость, прославим в Троице Единого Бога, Отца, и Сына, и Святаго Духа, ныне и присно и во веки веков. Аминь. Величание Величаем тя, святая праведная блаженная Матроно. И чтим святую память твою, ты бо молиши о нас Христа Бога нашего.
Тропарь, глас2 Богом умудренную блаженную старицу Матрону, земли Тульския процветания и града Москвы преславное украшение, восхвалим днесь, верни. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит молится о душах наших.
Кондак, глас 7 К служению Христу от чресел матерняя предъизбранная, праведная Матроно, стезе скорбей и печалей шествующи, твердую веру и благочестие явивши, Богу угодила еси. Темже, почитающее память твою, молим тя: помози и нам в любви Божии пребывати. Старице блаженная. Святой Матроны